BCAA деген не және оларды қалай қабылдау керек

BCAA деген не? 

BCAA – бұл Branched Chain Amino Acids (яғни «бүйір тізбектері тармақталған амин қышқылдары»). ТМД елдерінде оларды «БЦA», халық арасында ауызекі тілмен «БЦA-лар» деп атайды. 

Олар лейцин, изолейцин және валин деп аталатын алмастырылмайтын үш амин қышқылынан тұрады. Барлығымыз мектеп бағдарламасынан білетініміздей, жер бетіндегі бүкіл тірі ағзалар амин қышқылдарынан тұрады. Егер адам ағзасын көп қабатты ғимаратпен салыстыратын болсақ, амин қышқылдары біздің «кірпіштеріміз» сияқты. 

Қандай да бір амин қышқылының жетіспеушілігі бүкіл «конструкцияның» тұрақтылығына әсер етуі және уақыт өте келе оның «күйреуіне» әкеп соқтыруы мүмкін. Сондықтан біздің денеміздің сау ағзаға қажетті барлық маңызды компоненттермен жеткілікті деңгейде «жабдықталуы» өте маңызды. 

Неліктен BCAA ішу керек

BCAA-ға кіретін үш амин қышқылы біздің ағзамызда өндірілмейді. Бұл олардың жетіспеушілігін сырттан толтыру керек дегенді білдіреді. 

Өкінішке орай, ауыл шаруашылығы мен тамақ өнеркәсібінің заманауи жетістіктері біздің тамақ арқылы қажетті амин қышқылдарының жеткілікті мөлшерін алуымызға мүмкіндік бермейді (себебі қазіргі тамақ өндірісі тауардың тағамдық құндылығына емес, оның мөлшеріне және жарамдылық мерзімін арттыруға көбірек бағытталған). Сондықтан барлық қажетті элементтерді арнайы биоқоспалар арқылы алу аса маңызды. 

Әсіресе, бұл спортшылар мен белсенді өмір салтын ұстанатын адамдар үшін өзекті. Шынында да, жоғары физикалық белсенділік ағзаның кейіннен орнын толтыру міндетті болып табылатын ресурстарын көптеп шығындауды талап етеді. Тап осы жерде BCAA көмекке келеді. 

BCAA әрекеті

BCAA амин қышқылдары ағза үшін отын рөлін атқарып, оны күш жаттығуларын жасау кезінде энергиямен қамтамасыз етеді. Сондай-ақ олар бұлшықеттеріміздің мұндай жаттығулардан кейін қалпына келуіне көмектеседі. BCAA мыналарға жағдай жасайды: 

• Анаболизмді белсендіру;

• Катаболизмді бәсеңдету; 

• Таза бұлшықет массасын жинау; 

• Инсулин синтезі; 

• Артық майды кетіру. 

BCAA препараттары үш нұсқада шығарылады: 1) Капсулалар; 2) Таблеткалар; 3) Ұнтақ. Олардың барлығы бірдей әрекет етеді, айырмашылық адамдардың жеке қалауында ғана. Кейбіреулер капсулаларды ішкенді, екіншілері ұнтақты қабылдағанды жөн көреді. 

BCAA-ны қалай ішу керек 

BCAA-ны тікелей физикалық жаттығулардан бұрын және олар аяқталғаннан кейін бірден қабылдау керек. Сондай-ақ оларды жаттығу жасамайтын күндері қабылдау да маңызды, себебі дәл осы уақытта бұлшықет массасының белсенді қалпына келу үрдісі жүреді. 

Пептидтер қосылған BCAA 

Қазіргі таңда қосымша қоспалардан тұратын BCAA-лар бар. Олардан қорқудың қажеті жоқ, себебі олар препараттың анағұрлым жетілдірілген түрлері және олардың әрекет ету аясы кеңірек. Мұндай қоспалардың пайдасы олардың BCAA-ның ағзаға «классикалық» әсерінен бөлек, денсаулықты сақтауға көмектесетіндігімен түсіндіріледі. 

Мысалы, пептидтер қосылған BCAA. Пептидтер (түріне қарай) жүрек-қан тамырлары жүйесін, сүйек-шеміршек тіндері мен бұлшықеттерді қорғайды (осылайша жарақаттың алдын алады). 

Пептидтерді қабылдау ешқашан артық болмайды, себебі олар ағзамыздың жасушаларын нәрлендіріп, оны сауықтырады. Егер сіз жарақат алуға және жүрек-қан тамырлары ауруларына бейім болсаңыз, сізге пептидтер қосылған BCAA аса қажет. 

BCAA жөніндегі сын-пікірлер

Біздің сайтымызда пептидтердің және пептидтер қосылған BCAA-лардың кең сұрыпталымы бар. Сондай-ақ сайтымыздан препаратты қабылдау жөніндегі сын-пікірлер мен ұсыныстарды оқи аласыз.